மலையகத்துக்கு அதிவேக நெடுஞ்சாலை

மேனகா மூக்காண்டி

'ரஜரட்டை மீள் எழுப்புவோம்' அபிவிருத்தி வேலைத்திட்டத்தின் கீழ், தற்போதுள்ள வீதிகளில் 150 கிலோ மீற்றரை புனரமைப்பதற்கும் மற்றும் புதிய வீதிகள் 100 கீலோ மீற்றரை நிர்மாணிப்பதற்கும் அமைச்சரவை ஏற்கெனவே அனுமதி வழங்கியுள்ளது.

அதனடிப்படையில், குருநாகலையிலிருந்து தம்புள்ளை வரையிலான (60 கி.மீ) மத்திய அதிவேக நெடுஞ்சாலையின் பிரிவு 4இன் நிர்மாணப்பணிகளை ரஜரட்டை மீள் எழுப்புவோம் அபிவிருத்தி வேலைத்திட்டத்தின் கீழ் முன்னெடுக்க, உயர்க்கல்வி மற்றும் நெடுஞ்சாலைகள் அமைச்சர் லக்ஷ்மன் கிரியெல்லவினால் முன்னெடுக்கப்பட்ட அமைச்சரவை பத்திரத்துக்கு அமைச்சரவை அங்கிகாரம் வழங்கியுள்ளது.