மாடுகளுடன் இருவர் கைது

மொஹொமட் ஆஸிக்

கெக்கிராவையிலிருந்து அக்குறணைக்கு, மாடுகளை சட்டவிரோதமான முறையில் லொறியில் கொண்டு சென்ற இருவரை, இன்று (25) கைதுசெய்துள்ள அலவத்துகொடை பொலிஸார், மாடுகளை மீட்டுள்ளதுடன், லொறியையும் கைப்பற்றியுள்ளனர்.

பொலிஸாருக்குக் கிடைத்த தகவல் ஒன்றினடிப்படையில், கண்டி - மாத்தளை வீதியில் வைத்து லொறியை வழிமறித்த பொலிஸார், மாடுகளை மீட்டதுடன், இருவரைக் கைதுசெய்துள்ளனர்.

இதன்போது, 10 மாடுகள் மீட்கப்பட்டுள்ளனவென தெரிவித்த பொலிஸார், சந்தேகநபர்கள் இருவரையும் நீதிமன்றில் ஆஜர்படுத்துவதற்கான நடவடிக்கைகளை மேற்கொண்டு வருகின்றனர்.