மீண்டும் மண்சரியும் அபாயம்

இரா.யோகேசன்

வட்டவளை தியகலை பகுதியில் அண்மையில் ஏற்பட்ட மண்சரிவு பகுதியில் மீண்டும் மண்சரிவு ஏற்பட கூடிய அபாயநிலை இருப்பதாக தெரிவிக்கப்படுகின்றது.

சமீபத்தில் நிலவிய சீரற்ற வானிலை காரணமாக, தியகல பகுதியில் மண்சரிவு ஏற்பட்டமையால், ஹட்டன், கண்டி, கொழும்பு ஆகிய பகுதிகளுக்கான போக்குவரத்து ஒரு நாள் தடைப்பட்டிருந்தது.

இந்நிலையில், நாட்டில் மீண்டும் மழை பெய்யும் என, வானிலை அவதான நிலையம் எதிர்வு கூறியுள்ள நிலையில், மீண்டும் மண்சரிவு ஏற்படும் அச்சம் ஏற்பட்டுள்ளது.

எனவே, அதிகம் மழை பெய்யும்போது, தியகல சந்தியிலிருந்து ஹட்டன் நோக்கி செல்லும் சுமார் ஒரு கிலோமீற்றர் வரையான பகுதி மிக அவதானத்துடன் வாகனத்தை செலுத்துமாறும் கோரிக்கை விடுக்கப்பட்டுள்ளது.