யதன்சைட் தமிழ் பாடசாலைக்கு ஸ்ரீதரன் விஜயம்

-மு.இராமசந்திரன்

நுவரெலியா கல்வி வலயத்துக்கு உட்பட்ட கொட்டகலை - யதன்சைட் தமிழ் பாடசாலையில் நிலவி வரும் பிரச்சினை தொடர்பில் மாகாண சபையின் கவனத்துக்கு கொண்டு வருவதாக மத்திய மாகாணசபை உறுப்பினர் சோ.ஸ்ரீதரன் தெரிவித்தார்.

நுவரெலியா கல்வி வலயத்துக்கு உட்பட்ட கொட்டகலை யதன்சைட் தமிழ் பாடசாலையின் வகுப்புக்கள் பல யதன்சைட் தோட்டத்திலுள்ள பாழுடைந்த தேயிலைத் தொழிற்சாலையில் பல வருடங்களாக இயங்குவதால் மாணவர்கள் பல்வேறு அசௌகரியங்களுக்கு மத்தியிலேயே தமது கல்வியைத் தொடர வேண்டிய நிலையிலுள்ளனர்.

இந்தப்பாடசாலைக்கு, விஜயம் செய்த மத்திய மாகாண சபை உறுப்பினர் சோ.ஸ்ரீதரன் நிலைமைகளை ஆராய்ந்துள்ளதோடு, பாடசாலையில் நிலவும் குறைபாடுகள் தொடர்பிலும் கேட்டறிந்துகொண்டார். மேலும்  இவ்விடயம் தொடர்பாக மத்திய மாகாணசபையின் கவனத்துக்கும் கொண்டு வருவதாகவும் தெரிவித்தார்.