ரயிலில் மோதி ஒருவர் பலி

ராமு  தனராஜா

பதுளையிலிருந்து  இருந்து நேற்று (30)  காலை 5  .55 மணி அளவில் கொழும்பு நோக்கி புறப்பட்ட உடரட்ட மெனிகே ரயிலில் மோதி ஒருவர் உயிரிழந்துள்ளார் என பதுளை பொலிஸார் தெரிவித்தனர்.

பதுளை  -தெய்வனெவெல  பகுதியில் உள்ள   சுரங்கத்துக்கு அருகாமையில் சுமார் 50 வயது மதிக்கத்தக்க ஆண் ஒருவர் ரயிலின் முன் பாய்ந்து தன்னுயிரை மாய்த்துக் கொண்டுள்ளார் என பொலிஸார் தெரிவித்தனர்.

குறித்த நபர் யார் என்பது இதுவரை அடையாளம் காணப்படாத போதிலும் சடலம் தற்போது பதுளை வைத்தியசாலையின்  பிரேத அறையில் வைக்கப்பட்டுள்ளது.