வைத்தியபீட மாணவர்கள் மீதான தாக்குதலை கண்டித்து வைத்தியர்கள் ஆர்ப்பாட்டம்

செனரத் பண்டார

மாலபே தனியார் வைத்தியக் கல்லூரிக்கு எதிராக கடந்த வெள்ளிக்கிழமை(29) கொழும்பில் எதிர்ப்பு ஆர்ப்பாட்டத்தில் ஈடுபட்ட அரச பல்கலைக்கழகங்களின் ஆறு வைத்தியபீடங்களைச் சேர்ந்த மாணவர்கள் மீது மேற்கொள்ளப்பட்ட தாக்குதலை கண்டித்து, அரச வைத்திய அதிகாரிகள் சங்கத்தின் பேராதனை கிளை நேற்று(3) ஆர்ப்பாட்டத்தில் ஈடுபட்டது.

பேராதனை, கம்பளை, கண்டி ஆகிய வைத்தியசாலைகளின் வைத்தியர்கள் இவ் ஆர்ப்பாட்டத்தில் ஈடுபட்டனர். மாலபே தனியார் வைத்திய கல்லூரியை மூடுமாறு கோரியும்  வைத்தியபீட மாணவர்கள் மீதான தாக்குதலை தாம் வன்மையாக கண்டிப்பதாகவும் ஆர்ப்பாட்டத்தில் ஈடுபட்டவர்கள் தெரிவித்தனர்.

இவ் ஆர்ப்பாட்டமானது வைத்தியசாலைகளின் மதிய நேர இடைவேளையின்போது முன்னெடுக்கப்பட்டது.