வெலிமடை விபத்தில் சீன பிரஜை காயம்

வெலிமடை- நுவரெலிய வீதியில் வெலிமடை பொலிஸ் நிலையத்திற்கு அருகில் ஓட்டோவும், லொறியும் ஒன்றுடன் ஒன்று மோதி வியாழக்கிழமை (07) காலை விபத்துக்குள்ளானதில்  ஓட்டோ சாரதியான  சீன பிரஜை( வயது 36) காயமடைந்துள்ளார்.

காயமடைந்த குறித்த நபர் வெலிமடை ஆரம்ப வைத்தியசாலையில் அனுமதிக்கப்பட்டு மேலதிக சிகிச்சைக்காக பதுளை பொது வைத்தியசாலைக்கு மாற்றப்பட்டுள்ளார் என பொலிஸார் தெரிவித்தனர்.

நுவரெலியாவில் இருந்து பயணித்த ஓட்டோ, வேகத்தை கட்டுப்படுத்த முடியாமல் வெலிமடை பக்கம் இருந்து நுவரெலியாவுக்கு பயணித்துக்கொண்டிருந்த லொரியுடன் மோதி விபத்துக்கு உள்ளாகியுள்ளது.  சம்பவம் தொடர்பாக விசாரணைகளை வெலிமடை பொலிஸார் மேற்கொண்டுவருகின்றனர்.