கொழும்புக்கு எரிபொருள் விநியோகம் ஆரம்பம்

கொழும்பிலுள்ள எரிபொருள் நிரப்பு நிலையங்களுக்கு தேவையான எரிபொருள் கைருப்புக்களை விநியோகிப்பதற்காக பெற்றோல் மற்றும் டீசல் கொண்ட எரிபொருள் பவுசர்கள் ஏற்கெனவே அனுப்பி வைக்கப்பட்டுள்ளதாக எரிசக்தி அமைச்சர் காமினி லொக்குகே, இன்று (17) தெரிவித்தார்.  

விநியோகத்தில் ஏற்பட்ட தாமதம் காரணமாக பல பகுதிகளில் நீண்ட வரிசைகள் தொடர்வதாகக் குறிப்பிட்ட அவர், அனைத்து பௌசர்களும் செவ்வாய்க்கிழமை முதல் செயற்பாடுகளை இடைநிறுத்தியிருந்துடன், இன்று (17) முதல் அந்த பவுசர்கள் மீண்டும் செயற்படத் தொடங்கியுள்ளன என்று குறிப்பிட்டார்.

இதன்மூலம் கொழும்பிலுள்ள எரிபொருள் நிரப்பு நிலையங்களுக்கு எரிபொருள் விநியோகம் இன்று பிற்பகலுக்குள் நிறைவடையும் என அமைச்சர் தெரிவித்தார்.

கொழும்பிலுள்ள ஒவ்வொரு எரிபொருள் நிரப்பு நிலையங்களுக்கும் தலா ஒரு பவுசர் டீசல் மற்றும் பெற்றோலை வழங்குமாறு பணிப்புரை விடுக்கப்பட்டுள்ளதாக அமைச்சர் குறிப்பிட்டார்.

மேலும், கொழும்பு துறைமுகத்தில் நிறுத்தி வைக்கப்பட்டுள்ள டீசல்  கப்பலையும் இன்று (18) விடுவிக்க ஏற்பாடுகள் செய்யப்பட்டுள்ளதாகவும் அமைச்சர் மேலும் தெரிவித்தார்.