யாழ். பல்கலைக்கழக ஊடக வளங்கள் பயிற்சி மையத்திற்கு புதிய பணிப்பாளர் நியமனம்

(கவிசுகி)

யாழ். பல்கலைக்கழக ஊடக வளங்கள் மற்றும் பயிற்சி மையத்தின் புதிய பணிப்பாளராக தே.தேவானந்த் நேற்று வியாழக்கிழமை நியமிக்கப்பட்டுள்ளார்.

கடந்த வருடம் யூன் மாதம் இந்நிறுவனத்தின் பணிப்பாளர் பதவியிலிருந்து பேராசிரியர் போ.பாலசுந்தரம் பிள்ளை விலகியதன் பின் வெற்றிடமாக இருந்த இப்பதவிக்கு இவ் வருடம் யூன் மாதத்திலிருந்து  தே.தேவானந்த் நியமிக்கப்பட்டுள்ளார்.

யாழ்.பல்கலைக்கழக பட்டதாரியான இவர் இதழியல் மற்றும் தொடர்பியல் துறையில் முதுமாணி பட்டம் பெற்றுள்ளார். கடந்த  வருடம் டென்மார்கிலுள்ள ஒல்போர்க் பல்கலைக்கழகத்தில் இலத்திரணியல் துறையில் குறுங்கால பயிற்சிகளை  பெற்றவர் என்பவது குறிப்பிடத்தக்கது.