'நாட்டை விட்டு ஓடாவிட்டால் மரண தண்டனை': சரவணபவனுக்கு அச்சுறுத்தல்

(கவிசுகி)

தமிழ்த் தேசியக் கூட்டமைப்பின் யாழ். மாவட்ட நாடாளுமன்ற உறுப்பினரும், உதயன் பத்திரிகை நிறுவனத்தின நிர்வாக இயக்குநருமான ஈ.சரவணபவனுக்கு தொலைபேசி மூலம் கொலை அச்சுறுத்தல் விடுக்கப்பட்டுள்ளது.

நேற்றிரவு 9.25 மணியளவில் தனது கைத்தொலைபேசிக்கு அநாமதேய அழைப்பு ஒன்று வந்துள்ளதாகவும் அந்த அழைப்பில் மறு தரப்பில் இருந்து பேசிய ஆண் நபர் 'நீங்கள் தொடர்ந்தும் அரசுக்கும், அமைச்சர்களுக்கும் எதிராக கருத்துக்கள் வெளியிடுவதை உடனடியாக நிறுத்த வேண்டும் என்றும், இரண்டு நாட்களுக்குள் நாட்டை விட்டுத் தப்பியோடாவிட்டால் மரண தண்டனை விதிக்கப்பட்டு அது நிறைறேற்றப்படும்' என அச்சுறுத்தியதாக சரவணபவன் எம்.பி. - தமிழ்மிரருக்கு தெரிவித்தார்.

இந்த தொலைபேசி அச்சுறுத்தல் குறித்து யாழ்.பொலிஸ் நிலையத்தில் முறைப்பாடு செய்யப்பட்டுள்ளதாகவும் இச்சம்பவம் தொடர்பாக யாழ். பொலிஸார் உடனடியாக நடவடிக்கை எடுப்பதாக தெரிவித்துள்ளனர் என்றும் அவர் மேலும் குறிப்பிட்டார்.