கஞ்சாவுடன் இருவர் கைது

-செல்வநாயகம் கபிலன்

குருநகர், மடத்தடி பகுதியில் 1.5 கிலோகிராம் நிறையுடைய கஞ்சா பொதியுடன் இருவரை ஞாயிற்றுக்கிழமை (15) கைது செய்துள்ளதாக யாழ்ப்பாண பொலிஸ் நிலைய குற்றத்தடுப்பு பொறுப்பதிகாரி எஸ்.ஸ்ரீ கஜன் தெரிவித்தார்.

கைதான இருவரும், மீசாலை மற்றும் குருநகர் பகுதிகளைச் சேர்ந்த 28, மற்றும் 32 வயதுடைய நபர்கள் என பொறுப்பதிகாரி மேலும் தெரிவித்தார்.

மடத்தடி பகுதியில் கஞ்சா விநியோதிப்பதாக கிடைத்த இரகசிய தகவலையடுத்து அங்கு சென்ற பொலிஸார், அவ்விருவரையும் கஞ்சா பொதியுடன் கைதுசெய்துள்ளதாக அவர் மேலும் தெரிவித்தார்.

கைதான இருவரையும் யாழ்ப்பாணம் நீதவான் நீதிமன்றில் ஆஜர்படுத்த பொலிஸார் நடவடிக்கை எடுத்துள்ளனர்.