விபத்தில் இருவர் படுகாயம்

-நா.நவரத்தினராசா

யாழ். இணுவில் தனியார் வைத்தியசாலைக்கு அருகில்  திங்கட்கிழமை (16) இடம்பெற்ற வாகன விபத்தில், ஏழாலை மயிலணியைச் சேர்ந்த இருவர் படுகாயமடைந்த நிலையில் யாழ். போதனா வைத்தியசாலையில் அனுமதிக்கப்பட்டுள்ளதாக  சுன்னாகம் பொலிஸார் தெரிவித்தனர்.  

சுன்னாகத்திலிருந்து யாழ்ப்பாணம் நோக்கி சென்றுகொண்டிருந்த மோட்டார் சைக்கிளுடன்; எதிரே வந்த 'கயஸ்' ரக வாகனம்  மோதியுள்ளது.   வேகமாக வந்த 'கயஸ்' ரக வாகனம் திடீரென நிறுத்த முற்பட்ட நிலையில்,  வீதியை விட்டு விலகி மோட்டார் சைக்கிளுடன் மோதியது எனவும் பொலிஸார் கூறினர்.

இது தொடர்பில் பொலிஸார் விசாரணைகளை மேற்கொண்டுள்ளனர்.