பெண் தலைமைத்துவ குடும்பங்களுக்கு கோழிக்குஞ்சுகள்

-நா.நவரத்தினராசா

வெளிநாட்டு வாழ் அன்பர் ஒருவரின் நிதியுதவியில் ஏழாலை மேற்கு பகுதியை சேர்ந்த 30 பெண் தலைமைத்துவக் குடும்பங்களுக்கு கோழிக்குஞ்சுகளும் ஒரு மாதத்துக்கு தேவையான கோழிக்குஞ்சுகளுக்கான உணவும் திங்கட்கிழமை (16) வழங்கப்பட்டது.
 
ஏழாலை மேற்;கு பொதுப் பணிமன்றத்தில் நடைபெற்ற இந்நிகழ்வில், 2 இலட்சம் ரூபாய் நிதியுதவியில் இந்த உதவி வழங்கப்பட்டது.

தமிழ்த் தேசியக் கூட்டமைப்பு நாடாளுமன்ற உறுப்பினர்களான மாவை சேனாதிராசா, ஈஸ்வரபாதம் சரவணபவன், வடமாகாண சபை உறுப்பினர் பாலச்சந்திரன் கஜதீபன் ஆகியோர் இதில் கலந்துகொண்டனர்.