சங்கானை சந்தையில் 8 வியாபாரிகளுக்கு தொற்று

-எம்.றொசாந்த்

சங்கானை பொதுச் சந்தையில், 100 வியாபாரிகளிடம் பெறப்பட்ட மாதிரிகளின் அடிப்படையில் முன்னெடுக்கப்பட்ட பிசிஆர் பரிசோதனையில், 8 வியாபாரிகளுக்கு தொற்று உறுதி செய்யப்பட்டுள்ளது.

இவ்வாறு அடையாளங்காணப்பட்டவர்கள், சங்கானை சுகாதார மருத்துவ அதிகாரி பிரிவுக்குட்பட்ட சங்கானை – ரிஷி ஒழுங்கையைச் சேர்ந்த 49 வயதுடைய ஒருவரும், சங்கானை - தேவாலய வீதியைச் சேர்ந்த 56 வயதுடைய ஒருவரும், நிச்சாமம் பகுதியைச் சேர்ந்த 47 வயதுடைய ஒருவரும் ஆவார்.

அத்துடன், சண்டிலிப்பாய் சுகாதார மருத்துவ அதிகாரி பிரிவுக்குட்பட்ட பண்டத்தரிப்பைச் சேர்ந்த 74 வயதுடைய ஒருவரும், வடலியடைப்பைச் சேர்ந்த 26 வயதுடைய ஒருவரும், சண்டிலிப்பாய் - ஐயானார் கோவிலடியைச் சேர்ந்த 26 வயதுடைய ஒருவரும், சுதுமலை தெற்கைச் சேர்ந்த 56 வயதுடையவரும் தொற்றாளர்களாக அடையாளங் காணப்பட்டுள்ளனர்.

மேலும், உடுவிலைச் சேர்ந்த 41 வயதுடைய ஒருவரும் சங்கானை பொதுச் சந்தை வியாபாரியாக உள்ள நிலையில், அவருக்கும் தொற்று உறுதி செய்யப்பட்டுள்ளமை குறிப்பிடத்தக்கது.