’வடக்கு வட்ட மேசை’ கலந்துரையாடல் இன்று

'வடக்கு வட்ட மேசை' கலந்துரையாடலின் (Northern Province Round Table) இரண்டாவது கலந்துரையாடல், ஆளுநர் கலாநிதி சுரேன் ராகவன் தலைமையில், இன்று (18) மாலை 4 மணிக்கு, யாழ். பொது நூலகத்தில் நடைபெறவுள்ளது.

வடமாகாணத்தை அபிவிருத்திப் பாதையில் முன்கொண்டு செல்வதற்கு, கல்வியலாளர்கள் மற்றும் துறைசார் அனுபவஸ்தர்களின் திட்டங்களையும் ஆலோசனைகளையும் பெற்றுக்கொள்ளும் முகமாக, ஆளுநரின் எண்ணக்கருவுக்கமைய, இந்த வட்டமேசைக் கலந்துரையாடல் இடம்பெறவுள்ளது.

இதில், யாழ். பல்கலைக்கழகத்தின் சிரேஷ்ட விரிவுரையாளர் கலாநிதி அகிலன் கதிர்காமர், 'வடமாகாணத்தின் பொருளாதார எதிர்காலம்' தொடர்பில் உரையாற்றவுள்ளார்.

இதனைத் தொடர்ந்து, இவ்விடயங்கள் தொடர்பிலான கலந்துரையாடல்கள் இடம்பெறவுள்ளதுடன் , இக்கலந்துரையாடலில் ஆர்வமுள்ள எவரும் கலந்துகொள்ள முடியுமென அறிவிக்கப்பட்டுள்ளது.