2026 ஏப்ரல் 16, வியாழக்கிழமை

ஜுலை 2012ஆம் ஆண்டுக்கு பின்னர் முதல் தடவையாக மசகு எண்ணெயின் விலை 100 அமெ.டொ. விட குறைந்தது

A.P.Mathan   / 2013 ஏப்ரல் 17 , பி.ப. 02:26 - 0     - {{hitsCtrl.values.hits}}

செவ்வாய்க்கிழமை விற்பனையின் போது, கடந்த ஒன்பது மாத காலப்பகுதியில் முதல் தடவையாக மசகு எண்ணெயின் விலை 100 அமெரிக்க டொலர்களை விட குறைவடைந்து காணப்பட்டது. சீனா மற்றும் அமெரிக்கா போன்ற நாடுகளிலிருந்தான கேள்வி குறைவடைந்ததை தொடர்ந்து இந்த விலை சரிவு காணப்பட்டதாக சந்தை ஆய்வாளர்கள் தெரிவித்துள்ளனர்.

ஜூன் மாதத்துக்கான விநியோகத்துக்கான மசகு எண்ணெயின் விலை நேற்றைய தினம் வியாபார நடவடிக்கைகள் ஆரம்பிக்கும் பொழுது, பீப்பா ஒன்று 98 அமெரிக்க டொலர்களாக பதிவாகியிருந்தது. ஆயினும் இந்த விலை பின்னர் சற்று அதிகரி்த்து 99.53 அமெரிக்க டொலர்களாக பதிவாகியிருந்தது.

உலகின் இரண்டாவது அதிகளவு எண்ணெய் பாவனை நாடான சீனா, பொருளாதார வளர்ச்சியை மந்த கதியில் எதிர்நோக்கியுள்ள நிலையில், கடந்த மூன்று மாத காலப்பகுதியில் எரிபொருளுக்கான தனது கேள்வியை குறைத்துள்ளமை குறிப்பிடத்தக்கது. அதுபோன்று அமெரிக்காவின் பொருளாதார நிலையும் எதிர்பார்க்கப்பட்டதை விட மந்த கதியிலேயே முன்னேற்றம் கண்டுவருவதால் உலக சந்தையில் மசகு எண்ணெயின் விலை வீழ்ச்சியடைந்துள்ளமை குறிப்பிடத்தக்கது.

  Comments - 0


அன்புள்ள வாசகர்களே,

நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .