இங்கிலாந்து அரச குடும்பத்துக்கு மற்றுமொரு வாரிசு

இங்கிலாந்து இளவரசர் சார்லஸ் -அமரர் டயானா தம்பதியினரின் மூத்த மகன் இளவரசர் வில்லியம் - கேட் மிடில்டன் தம்பதிக்கு, 3ஆவது குழந்தை பிறந்துள்ளது.

பிரிட்டன் நேரப்படி, நேற்றுக் காலை 11.01 மணிக்கு, கேட் மிடில்டனுக்கு, அழகான ஆண்குழந்தை பிறந்துள்ளதாகத் தெரிவிக்கப்படுகின்றது.

இவர்களுக்கு, ஏற்கெனவே 4 வயதில் ஜோர்ஜ் மற்றும் 3 வயதில் சார்லட் ஆகிய 2 குழந்தைகள் உள்ளனர்.

இந்நிலையில், மூன்றாவதாகப் பிறந்த குழந்தையுடன், மருத்துவமனையில் இருந்து இன்று வெளியே வந்த இளவரசர் வில்லியம் - கேட் தம்பதியரைக் காண, நூற்றுக்கணக்கானோர் திரண்டிருந்தமை குறிப்பிடத்தக்கது.