தனுவுக்குக் கௌரவம்

இலங்கையிலுள்ள பிரபல ஊடக ஆளுமையான தனு இன்னாசித்தம்பி, உலக சமாதானத்துக்கும் இராஜதந்திரத்துக்குமான நிறுவனத்தின் சமாதானத் தூதுவராக நியமிக்கப்பட்டு, கௌரவமளிக்கப்பட்டுள்ளார். இந்தக் கௌரவம், இந்தியாவின் மும்பையில் இடம்பெற்ற, பூகோள வணிகத் தலைமை மன்ற மாநாட்டில், அவருக்கு வழங்கப்பட்டது.

இவ்விருது கிடைத்தமை குறித்துக் கருத்துத் தெரிவித்த தனு, "தனு இன்னாசித்தம்பி அறக்கட்டளையின் பணிகளைப் பகிர்வதற்கான வாய்ப்பொன்று வழங்கப்பட்டமை குறித்து, நான் மகிழ்ச்சியடைகிறேன். நல்லிணக்கம் தொடர்பான எமது பணிகளுக்கு, இவ்விருது மூலமாக அதிக வாய்ப்பு ஏற்படுகிறது" எனத் தெரிவித்தார்.

பெருமைமிக்க இவ்விருது, பூகோள சமாதானத்துக்காகக் கடுமையாக உழைத்தவர்களுக்காகவும் சமூகத்தின் மனிதாபிமானப் பங்களிப்புகளை வழங்கியவர்களுக்காகவும் வழங்கப்படும் ஒரு கௌரவமாகும்.