எகிப்திய மோதல்களில் 24 பேர் பலி

எகிப்தில் கிறிஸ்தவர்களுக்கும் பாதுகாப்புப்   படையினருக்கும் இடையில் ஏற்பட்ட மோதல்களில் 24 பேர் பலியாகியுள்ளனர்.

இந்த நிலையில், அமைதியைக் கடைப்பிடிக்குமாறும்  எகிப்தியப் பிரதமர் எஸாம் ஸராப் கேட்டுக்கொண்டுள்ளார்.

கடந்த வாரம் அஸ்வான் மாகாணத்திலுள்ள தேவாலயமொன்றில் மேற்கொள்ளப்பட்ட தாக்குதலுக்கு எதிராக  கெய்ரோவில் ஆர்ப்பாட்டமொன்று நடைபெற்றது. இதனைத் தொடர்ந்து வன்முறை வெடித்ததாகவும் தெரிவிக்கப்படுகிறது.

தேவாலயம் மீதான தாக்குதலை முஸ்லிம்களே மேற்கொண்டதாக அந்த நாட்டு கிறிஸ்தவர்கள் குற்றஞ்சாட்டியுள்ளனர்.

கிறிஸ்தவர்களுக்கும் முஸ்லிம்களுக்கும் இடையிலான மோதல் நாட்டின் பாதுகாப்புக்கு அச்சுறுத்தலாகுமென  அவசரமாகக் கூட்டப்பட்ட அமைச்சரவைக் கூட்டத்தில் பிரதமர் தெரிவித்துள்ளார்.