2 கோடி80 இலட்சம் ரூபா செலவில் தேர்தல் அலுவலகத்தின் புதிய கட்டிடம்

(எம்.சுக்ரி)

2 கோடி 80 இலட்சம் ரூபா செலவில் மன்முனை வடக்கு பிரதேச செயலகத்தில் நிர்மாணிக்கப்படவுள்ள மட்டக்களப்பு தேர்தல் அலுவலகத்தின் புதிய நிரந்தரக் கட்டிடத்திற்கான அடிக்கல் நாட்டும் வைபவம் இன்று காலை இடம்பெற்றது.

மேலதிக தேர்தல் ஆணையாளர் மஹிந்த தேசப்பிரிய,  பிரதி தேர்தல் ஆணையாளர் எம்.எம்.முஹம்மட் ,  மட்டக்களப்பு மாவட்ட அரசாங்க அதிபர் சுந்தரம் அருமைநாயகம்,  மட்டக்களப்பு மாவட்ட உதவி தேர்தல் ஆணையாளர் அசங்க ரத்னாயக்க உட்பட அதிகாரிகள் மட்டக்களப்பு மாவட்ட திணைக்கள தலைவர்கள் கலந்து கொண்டு இதற்கான அடிக்கல்லை நாட்டி வைத்தனர்.

மட்டக்களப்பு தேர்தல் அலுவலகம் தற்போது மட்டக்களப்பு மாவட்ட செயலகத்தில் இயங்கி வருவது குறிப்பிடத்தக்கது.