கொரோனா பாதிப்பு மராட்டியத்தில் குறைகிறது

மராட்டியம்

மராட்டியத்தில் தினந்தோறும் 60 ஆயிரத்துக்கும் மேற்பட்டவர்கள் கொரோனா தொற்றால் பாதிக்கப்பட்டனர். இதையடுத்து நோய் பரவலை கட்டுப்படுத்த  மாநிலம் முழுவதும் ஊரடங்கு போன்ற கடும் கட்டுப்பாடுகள் அமுலில் உள்ளது.

பொதுமக்கள் அத்தியாவசிய தேவைகளுக்கு மட்டுமே வெளியே வர அனுமதி வழங்கப்பட்டுள்ளது. இந்தநிலையில் மே மாதம் மாநிலத்தில் கொரோனா பாதிப்பு குறைய தொடங்கியது. தற்போது தினசரி பாதிப்பு 30 ஆயிரத்திற்கும் குறைவாகவே உள்ளது. தற்போது மாநிலத்தில் அமுலில் உள்ள கட்டுப்பாடுகள் இன்றுடன் முடிவடைகிறது.

இந்தநிலையில் நேற்று இரவு முதலமைச்சர்  உத்தவ் தாக்கரே பொது மக்களிடம் ஒன்லைன் மூலமாக உரையாற்றினார். அப்போது அவர் மாநிலத்தில் வருகிற ஜூன் 15ஆம் திகதி வரை கட்டுப்பாடுகள் நீடிக்கப்படுவதாக கூறினார். மேலும் தளர்வுகளையும் அறிவித்தார்.