‘முதலமைச்சர் பதவி தராமல் ஏமாற்றி விட்டார்கள்’

இந்தியாவின் கர்நாடக மாநிலம் விஜயபுராவில் ஞாயிற்றுக்கிழமை (27) நடைபெற்ற காங்கிரஸ் ஆட்சியின் சாதனை விளக்க பொதுக்கூட்டத்தில் காங்கிரஸ் கட்சியின் தேசிய தலைவர் மல்லிகார்ஜுன கார்கே சிறப்பு விருந்தினராக பங்கேற்றார்.

அப்போது கார்கே, “கடந்த 1999ஆம் ஆண்டு கர்நாடகாவில் நடந்த சட்டசபைத் தேர்தலில் எதிர்க்கட்சி தலைவராக இருந்த நான் கட்சியை வழிநடத்தினேன். காங்கிரஸ் கட்சியை ஆட்சிக்குக் கொண்டுவர ஐந்து                                                                                                                                                                      ஆண்டுகள் கடுமையாக உழைத்தேன்.

அதன் காரணமாக காங்கிரஸ் கர்நாடகாவில் உள்ள 224 இடங்களில் 132 இடங்களைக் கைப்பற்றி அமோக வெற்றி பெற்றது. எனக்கு முதலமைச்சர் பதவி கிடைக்கும் என பத்திரிகைகள் எழுதின.

ஆனால் தேர்தலுக்கு வெறும் நான்கு மாதங்​களுக்கு முன்பு கட்​சி​யில் சேர்ந்த எஸ்​.எம்​. கிருஷ்ணாவுக்கு முதலமைச்சர் பதவியை வழங்​கினர். எனக்கு கிடைக்க வேண்​டிய முதலமைச்சர் பதவியை தராமல் ஏமாற்றி விட்​டார்​கள். அதன் பிறகு பலமுறை எனது முதலமைச்சர் கனவை தடுத்​து​விட்​டனர். ஆனாலும் கட்​சி​யின் நலனுக்​காக தளராமல் பணி​யாற்​றினேன்.

அதனால் அகில இந்​திய அளவில் காங்​கிரஸின் தலை​வ​ராக உயரும் வாய்ப்பு எனக்கு கிடைத்​தது. கட்சி சில நேரம் நமது உழைப்பை அங்​கீகரிக்​காமல் விட்​டாலும், நாம் கட்​சியை கைவி​டா​மல் உழைக்க வேண்​டும்” என்று கூறினார். அவரது இந்த பேச்​சு, காங்​கிரஸ் மேலிடத்தை அதிர்ச்​சிக்கு உள்​ளாக்கி இருப்​ப​தாக செய்​தி​கள் வெளி​யாகி​யுள்​ளன.