விடுமுறை வழங்க மறுத்தார் மஹிந்த

ஐக்கிய மக்கள் சக்தியின் கம்பஹா மாவட்ட பாராளுமன்ற உறுப்பினர் ரஞ்சன் ராமநாயக்கவுக்கு விடுமுறை வழங்குவதற்கு, சபாநாயகர் மஹிந்த யாப்பா ​அபேவர்தன, மறுத்துவிட்டார்.

“ரஞ்சன் ராமநாயக்கவுக்கு சபையில் விடுமுறையை அனுமதிக்க முடியாது” என சபாநாயகர் அறிவித்தார்.

“சட்டத்தின் பிரகாரமே நான் செயற்படுவேன். அவருக்கான விடுமுறையை அனுமதிப்பதற்கு எனக்கு இச்சந்தர்ப்பத்தில் முடியாது. வழக்கின் தீர்ப்பு இதுவரையிலும் கிடைக்கவில்லை. நீதிமன்றத்தின் தீர்ப்புக்கு எங்களால் அழுத்தங்களை பிர​யோகிக்க முடியாது” என்றார்.

பாராளுமன்றம் இன்று (06) கூடியவேளையில், ரஞ்சன் ராமநாயக்கவுக்கு மூன்று மாதங்கள் விடுமுறை வழங்குவதற்கான அனுமதியை, எதிர்க்கட்சித் தலைவரும் ஐக்கிய மக்கள் சக்தியின் தலைவருமான சஜித் பிரேமதாஸ கோரிநின்றார். அதன்போதே, சபாநாயகர் மஹிந்த யாப்பா அபேவர்தன மேற்கண்டவாறு தெரிவித்தார்.