97 சதவீத ஆசிரியர்களுக்கு தடுப்பூசி ஏற்றம்

கொழும்பு மாவட்டத்திலுள்ள 97 சத வீதமான ஆசிரியர்களுக்கு கொரோனா தடுப்பூசி ஏற்றப்பட்டுள்ளதாக கல்வியமைச்சு தெரிவித்துள்ளது.

கம்பஹா மாவட்டத்தில் 81 சதவீதமான ஆசிரியர்களுக்கும் களுத்துறை மாவட்டத்தில் 82 சதவீதமான ஆசிரியர்களுக்கும் ஊசியேற்றப்பட்டுள்ளதுடன், பதுளை மாவட்டத்திலுள்ள ஆசிரியர்களில் 90 சதவீதமானோருக்கு தடுப்பூசிகள் ஏற்றப்பட்டுள்ளன.

நாட்டிலுள்ள பாடசாலை ஆசிரியர்களுக்கு கொவிட் தடுப்பூசி ஏற்றும் வேலைத்திட்டம் வெற்றிகரமாக இடம்பெற்று வருவதாகத் தெரிவித்துள்ள கல்வியமைச்சு, மேல் மாகாணத்திலுள்ள 86 சதவீத ஆசிரியர்கள் தடுப்பூசி ஏற்றிக்கொண்டுள்ளனர் என்றும் தெரிவித்துள்ளது.