இ – 20 உலகக் கிண்ணம்: அதிக ஓட்டங்களைக் குவித்த பாகிஸ்தானின் பர்ஹான்

சர்வதேச கிரிக்கெட் சபையின் முடிவுக்கு வந்த 2026 இருபதுக்கு – 20 உலகக் கிண்ணத் தொடரில் அதிகூடிய ஓட்டங்களை பாகிஸ்தானின் சஹிப்ஸடா பர்ஹான் பெற்றுள்ளார்.

இத்தொடரில் ஏழு போட்டிகளில் ஆறு இனிங்ஸ்களில் 100 பந்துகளில் 160.25 ஓட்டங்கள் என்ற வேகத்தில் 383 ஓட்டங்களை பர்ஹான் பெற்றிருந்தார்.

இதேவேளை நியூசிலாந்தின் டிம் செய்ஃபேர்ட் 9 போட்டிகளில் 8 இனிங்ஸ்களில் 100 பந்துகளில் 166.32 ஓட்டங்கள் என்ற வேகத்தில் 326 ஓட்டங்களைப் பெற்று அதிக ஓட்டங்களைப் பெற்றவர்களின் பட்டியலில் இரண்டாமிடத்தில் காணப்படுகின்றார்.

இந்நிலையில் இத்தொடரில் ஐந்து போட்டிகளில் விளையாடிய இந்தியாவின் சஞ்சு சாம்சன், 100 பந்துகளுக்கு 199.37 ஓட்டங்கள் என்ற வேகத்தில் 321 ஓட்டங்களைப் பெற்று அதிக ஓட்டங்கள் பெற்றவர்கள் பட்டியலில் மூன்றாமிடத்தில் இருக்கிறார்.