ஏ.சி மிலனிடம் வீழ்ந்த ஜுவென்டஸ்

இத்தாலிய கால்பந்தாட்டக் கழகங்களுக்கிடையிலான சீரி ஏ தொடரில், நடப்புச் சம்பியன்களான ஜுவென்டஸின் மைதானத்தில் இன்று அதிகாலை நடைபெற்ற அவ்வணிக்கும், ஏ.சி மிலனுக்குமிடையிலான போட்டியில் 0-3 என்ற கோல் கணக்கில் அவ்வணி தோற்றது.

ஏ.சி மிலன் சார்பாக, பிரஹிம் டயஸ், அன்டே றெபிச், பிகாயோ டொமோரி ஆகியோர் தலா ஒவ்வொரு கோலைப் பெற்றனர்.

அந்தவகையில், சீரி ஏ புள்ளிகள் பட்டியலில் 85 புள்ளிகளுடன் சம்பியனான இன்டர் மிலன் முதலாமிடத்தில் காணப்படுகின்றது. அத்லாண்டாவும், ஏ.சி மிலனும் தலா 72 புள்ளிகளையே பெற்றுள்ளபோதும், கோலெண்ணிக்கை வித்தியாசத்தில் அத்லாண்டா இரண்டாமிடத்திலும், ஏ.சி மிலன் மூன்றாமிடத்திலுமுள்ளன. 70 புள்ளிகளுடன் நான்காமிடத்தில் நாப்போலி காணப்படுகின்றது.