சமநிலையில் டொட்டென்ஹாம் – எவெர்ற்றன் போட்டி

இங்கிலாந்து கால்பந்தாட்டக் கழகங்களுக்கு இடையிலான பிறீமியர் லீக் தொடரில், எவெர்ற்றனின் மைதானத்தில் இன்று அதிகாலை நடைபெற்ற அவ்வணி உடனான போட்டியை 1-1 என்ற கோல் கணக்கில் டொட்டென்ஹாம் ஹொட்ஸ்பர் சமப்படுத்தியது.

டொட்டென்ஹாம் சார்பாகப் பெறப்பட்ட கோலை ஹரி கேன் பெற்றதோடு, எவெர்ற்றன் சார்பாகப் பெறப்பட்ட கோலை மிஷெல் கீன் பெற்றிருந்தார்.

பிறீமியர் லீக் புள்ளிகள் பட்டியலில் 72 புள்ளிகளுடன் முதலாமிடத்தில் ஆர்சனல் உள்ளது. 64 புள்ளிகளுடன் இரண்டாமிடத்தில் நடப்புச் சம்பியன்களான மன்செஸ்டர் சிற்றியும், தலா 50 புள்ளிகளைப் பெற்றுள்ளபோதும் கோலெண்ணிக்கை வித்தியாசத்தில் மூன்றாமிடத்தில் நியூகாசில் யுனைட்டெட்டும், நான்காமிடத்தில் டொட்டென்ஹாமும் காணப்படுகின்றன. இதில், சிற்றி ஒரு போட்டி குறைவாகவும், நியூகாசில் இரண்டு போட்டிகள் குறைவாகவும் விளையாடியுள்ளன.