சம்பியனான அல்கரரேஸ்

சின்சினாட்டி பகிரங்க டென்னிஸ் தொடரில் உலகின் இரண்டாம் நிலை வீரரான கார்லோஸ் அல்கரஸ் சம்பியனானார்.

செவ்வாய்க்கிழமை (19) நடைபெற்ற நடப்புச் சம்பியனான ஜனிக் சின்னருனான இறுதிப் போட்டியின் முதலாவது செட்டில் ஸ்பெய்னின் அல்கரஸ் 5-0 என முன்னிலையில் இருந்த நிலையில் உபாதை காரணமாக போட்டியிலிருந்து முதல்நிலை வீரரான சின்னர் விலகிய நிலையிலேயே அல்கரஸ் சம்பியனானார்.

தனது அரையிறுதிப் போட்டியில் மூன்றாம் நிலை வீரரான அலெக்ஸான்டர் ஸவ்ரேவ்வை 6-4, 6-3 என்ற ரீதியில் நேர் செட்களில் வென்று அல்கரஸும், மற்றைய அரையிறுதிப் போட்டியில் பிரான்ஸின் டெரென்ஸ் அட்மனேயை 7-6 (7-4), 6-2 என்ற நேர் செட்களில் வென்று இத்தாலியின் சின்னரும் இறுதிப் போட்டிக்குத் தகுதி பெற்றிருந்தனர்.

இதேவேளை எட்டாம் நிலை வீராங்கனையான ஜஸ்மின் பலோனியை 7-5, 6-4 என்ற நேர் செட்களில் வென்று இரண்டாம் நிலை வீராங்கனையான இகா ஸ்வியாடெக் சம்பியனாகியிருந்தார்.

தனது அரையிறுதிப் போட்டியில் கஸக்ஸ்தானின் எலெனா றைபகினாவை 7-5, 6-3 என்ற நேர் செட்களில் வென்று போலந்தின் ஸ்வியாடெக்கும், மற்றைய அரையிறுதிப் போட்டியில் ரஷ்யாவின் வெரோனிக்கா குடெர்மெட்டோவாவை 6-3, 6-7 (2-7), 6-3 என்ற செட் கணக்கில் வென்று இத்தாலியின் பலோனியும் இறுதிப் போட்டிக்குத் தகுதி பெற்றிருந்தனர்.