பலஸிடம் மண்கவ்விய லிவர்பூல்

இங்கிலாந்து கால்பந்தாட்டச் சங்க கொமியுனிட்டி ஷீல்ட் போட்டியில், நடப்பு எஃப்.ஏ கிண்ண சம்பியன்களான கிறிஸ்டல் பலஸுடனான போட்டியில் நடப்பு பிறீமியர் லீக் சம்பியன்களான லிவர்பூல் தோற்றது.

வெம்ப்ளியில் ஞாயிற்றுக்கிழமை (10) நடைபெற்ற இப்போட்டியானது வழமையான நேரத்தில் 2-2 என்ற கோல் கணக்கில் சமநிலையில் முடிவடைந்த நிலையில், பெனால்டியிலேயே 3-2 என்ற ரீதியில் பலஸ் வென்றது.

லிவர்பூல் சார்பாக ஹுகோ எகிடிகே, ஜெரெமி பிறிம்பொங்க் ஆகியோர் தலா ஒவ்வொரு கோலைப் பெற்றதோடு, பலஸ் சார்பாக ஜீன்-பிலிப்பே மடெடா, இஸ்மைலா சார் ஆகியோர் தலா ஒவ்வொரு கோலைப் பெற்றனர்.

பெனால்டியில் லிவர்பூலின் மொஹமட் சாலா, தனதுதையை கோல் கம்பத்துக்கு மேலால் செலுத்தியதுடன், அலெக்ஸிஸ் மக் அலிஸ்டர், ஹார்வி எலியொட்டின் உதைகளை பலஸின் கோல் காப்பாளர் டீன் ஹென்டர்சன் தடுத்திருந்தார்.