வெள்ளத்தில் தத்தளித்த நாவல் நகர்

நாவலப்பிட்டி பகுதியில் ஞாயிற்றுக்கிழமை (19) மதியம் பெய்த கனமழை காரணமாக, நாவலப்பிட்டி நகரம் மற்றும் அதனைச் சூழவுள்ள பகுதிகளில் வெள்ள நீர் புகுந்துள்ளது.

முக்கிய பாதிப்புகள்

• பேருந்து நிலையம்: நாவலப்பிட்டி பிரதான பேருந்து நிலையத்தில் சுமார் 18 அங்குல உயரத்திற்கு வெள்ள நீர் சூழ்ந்திருந்தது. இதனால் பயணிகள் மற்றும் போக்குவரத்துச் சேவைகள் கடுமையாகப் பாதிக்கப்பட்டன.
• பிரதான வீதி: கண்டி - கம்பளை வீதியிலும் மழை நீர் பெருக்கெடுத்து ஓடியதால், பாதசாரிகளும் வாகன சாரதிகளும் பாரிய அசௌகரியங்களுக்கு முகம் கொடுத்தனர்.

நகரின் வடிகால்கள் முறையாக பராமரிக்கப்படாமையே இந்த திடீர் வெள்ளத்திற்குக் காரணம் என பாதிக்கப்பட்ட மக்கள் தெரிவிக்கின்றனர். எனவே, நகரில் உள்ள அனைத்து வடிகால்களையும் ஆழப்படுத்தி, கழிவு நீர் முறையாக மகாவலி கங்கையில் சென்றடைவதை உறுதி செய்ய வேண்டும் என நாவலப்பிட்டி நகர சபை, மத்திய மாகாண ஆளுநர் மற்றும் தற்போதைய அரசாங்கத்திடம் மக்கள் அவசரமாக கோரிக்கை விடுக்கின்றனர்.