ஹட்டன் டிப்​போவின் வருமானம் 8.5 மில்லியன் ரூபாயாக அதிகரிப்பு

ரஞ்சித் ராஜபக்ஸ

விடுமுறையுடன் கூடிய வார இறுதி என்பதால், ஹட்டன் பஸ் டிப்போவுக்கு 8.5 மில்லியன் ரூபாய் கிடைத்துள்ளதாக இலங்கைப் போக்குவரத்து சபைக்குச் சொந்தமான ஹட்டன் டிப்போவின் பரிசோதகர் ரோஹன சில்வா தெரிவித்தார்.

கடந்த 16ஆம் திகதியிலிருந்து இன்று (19) அதிகாலை வரை நாளொன்றுக்கு 85 பஸ்கள் சேவையில் ஈடுபட்டதாகவும், இதில் அதிகமானவை ஹட்டன் ரயில்வே நிலையத்திலிருந்து நல்லதண்ணி வரை சிவனொளிபாதமலை யாத்திரிகர்களுக்காக சேவையில் ஈடுபட்டதென அவர் தெரிவித்தார்.

இதன்மூலம் 8.5 மில்லியன் ரூபாய் வருமானம் கிடைத்துள்ளதெனவும் அவர் தெரிவித்தார்.