பங்குச்சந்தை மற்றும் தங்கம், வெள்ளி விலை நிலைவரங்கள்

-ச.சேகர்

 

டிசெம்பர் மாதத்தின் இறுதி இரு நாட்களும் குறைந்த பெறுமதியை பதிவு செய்திருக்க, புதிய வருடத்தில் முதல் இரண்டு நாள் கொடுக்கல் வாங்கல்களும் சீரான நேர் பெறுமதிகளை பதிவு செய்திருந்தன. 2014ஆம் ஆண்டில் வட்டி வீதங்கள் தொடர்ந்தும் குறைவானதாகவே அமைந்திருக்கும் எனும் மத்திய வங்கியின் அறிவிப்பைத் தொடர்ந்து, முதலீட்டாளர்களுக்கு அதிகளவு வருமானத்தை பெற்றுக் கொள்ளக்கூடிய மாற்று முதலீட்டு மூலமாக பங்குச்சந்தை அமைந்திருக்கும் என வல்லுநர்கள் கருத்து வெளியிட்டிருந்தனர். வெள்ளிக்கிழமை நடவடிக்கைகள் நிறைவடைந்த போது அனைத்து பங்கு விலைச் சுட்டெண் 5,973.80 ஆகவும், S&P ஸ்ரீலங்கா 20 சுட்டி 3294.82 ஆகவும் பதிவாகியிருந்தன.

 

டிசெம்பர் 30ஆம் திகதியுடன் ஆரம்பமான கடந்த வாரத்தின் இறுதியில் மொத்த பங்கு புரள்வு பெறுமதியாக ரூ. 3,374,254,696 அமைந்திருந்தது. கடந்த வாரம் மொத்தமாக 22,406 பங்கு கொடுக்கல் வாங்கல்கள் இடம்பெற்றன. இதில் உள்நாட்டு கொடுக்கல் வாங்கல்கள் 21,250 ஆகவும் வெளிநாட்டு கொடுக்கல் வாங்கல்கள் 1,156 ஆகவும் பதிவாகியிருந்தன.

 

திங்கட்கிழமை

வருட இறுதி நாளை அண்மித்திருந்த போதிலும், வெளிநாட்டவர்களின் நாட்டம் ஜோன் கீல்ஸ் ஹோல்டிங்ஸ் மற்றும் கொமர்ஷல் வங்கி பங்குகளின் மீது காணப்பட்டது. ஜோன் கீல்ஸ் ஹோல்டிங்ஸ் சந்தையின் மொத்தப்புரள்வு பெறுமதியில் அதிகளவு ஆதிக்கம் செலுத்தியிருந்தது. மேலும் சில ப்ளுசிப் பங்குகள் மொத்தப்புரள்வு பெறுமதியை அரை பில்லியன் ரூபா பெறுமதியை எய்த காரணமாக அமைந்திருந்தன. மேலும், எக்ஸ்போலங்கா ஹோல்டிங்ஸ் மற்றும் நவலோக ஹொஸ்பிட்டல்ஸ் ஆகிய பங்குகள் மீதும் ஆர்வம் காணப்பட்டது.

 

செவ்வாய்க்கிழமை

ஹற்றன் நஷனல் வங்கி, செலிங்கோ இன்சூரன்ஸ் மற்றும் ஜோன் கீல்ஸ் ஹோல்டிங்ஸ் போன்ற பங்குகள் மொத்தப்புரள்வு பெறுமதியில் அதிகளவு பங்களிப்பை வழங்கியிருந்ததுடன், 500 மில்லியன் ரூபா பெறுமதியை விட அதிகரிக்கவும் ஏதுவாக அமைந்திருந்தது. ஹற்றன் நஷனல் வங்கி மற்றும் ஜோன் கீல்ஸ் ஹோல்டிங்ஸ் ஆகிய பங்குகள் மீது வெளிநாட்டவர்கள் அதிகளவு ஈடுபாட்டை காண்பித்திருந்தனர். சந்தை பரந்தளவில் விலை அதிகரிப்பை பதிவு செய்திருந்தது, இதில் செலிங்கோ இன்சூரன்ஸ் பங்களிப்பை வழங்கியிருந்தது.

 

அ.ப.வி.சு மற்றும் S&P SL20 ஆகியன முறையே 4.8% மற்றும் 5.8% அதிகரிப்பை 2013 இல் பதிவு செய்திருந்தன. இது 2012 ஆம் ஆண்டின் 7.1 மற்றும் 0.5 ஆகியவற்றுடன் ஒப்பிடுகையில் அதிகரிப்பாகும். மேலும், நிகர வெளிநாட்டு உள்வருகை 22.6 பில்லியன் ரூபாவாக மொத்தமாக பதிவாகியிருந்தது.

 

வியாழக்கிழமை

புது வருடத்தை வரவேற்கும் வகையில், பங்குச்சந்தை மொத்தப்புரள்வு பெறுமதியை 900 மில்லியன் ரூபாவுக்கு அதிகமாக பதிவு செய்திருந்தது. அத்துடன் பிரதான சுட்டிகள் நேர் பெறுமதிகளை பதிவு செய்திருந்தன. ஜோன் கீல்ஸ் ஹோல்டிங்ஸ், கொமர்ஷல் வங்கி மற்றும் செவ்ரோன் லுப்ரிகன்ட்ஸ் போன்ற பங்குகள் மொத்தப்புரள்வு பெறுமதியில் அதிகளவு பங்களிப்பை வழங்கியிருந்தன. கொமர்ஷல் வங்கி மற்றும் லங்கா ஐஓசி பங்குகளை வெளிநாட்டவர்கள் விற்பனை செய்திருந்தனர். அக்ரோ அன்ட் முல்லர் அன்ட் பிப்ஸ் ஆகிய பங்குகளின் மீது சிறியளவிலான முதலீட்டாளர்கள் அதிகளவு ஈடுபாட்டை காண்பித்திருந்தனர்.

 

வெள்ளிக்கிழமை

வெள்ளிக்கிழமை கொடுக்கல் வாங்கல்களின் போது, தொடர்ந்து உயர் பெறுமதிகளை பதிவு செய்த கொழும்பு பங்குச்சந்தை, 6000 புள்ளிகளை கடந்திருந்தது. ஆயினும் இறுதி நேரங்களில் சந்தைப் பெறுமதிகளில் சரிவுகள் பதிவாகியிருந்தமையால், மொத்தப்புரள்வு பெறுமதி 300 மில்லியன ரூபாவை அண்மித்து காணப்பட்டது. ஜோன் கீல்ஸ் ஹோல்டிங்ஸ், சிலோன் டீ சேர்விசஸ் மற்றும் டிஸ்டிலரீஸ் ஆகிய பங்குகளின் மீது அதிகளவு ஈடுபாடு காணப்பட்டது. இதேவேளை ளுஆடீ லீசிங் வாக்குரிமை மற்றும் சாதாரண பங்குகள், த ஃபினான்ஸ் மற்றும் பீசி பார்மா ஆகிய பங்குகள் மீது .சிறியளவிலான முதலீட்டாளர்கள் அதிகளவு ஆர்வத்தை வெளிப்படுத்தியிருந்தனர்.

 

கடந்த வார கொடுக்கல் வாங்கல் நடவடிக்கைகளில் எஸ்எம்பி லீசிங்(சாதாரண), செரன்டிப் என்ஜி.குரூப்,  சிஐசி(சாதாரண), கெல் ஃபினான்ஸ் மற்றும் முல்லர்ஸ் போன்றன முதல் ஐந்து சிறந்த இலாபமீட்டிய பட்டியலிடப்பட்ட கம்பனிகளாக பதிவாகியிருந்தன. 

 

ஆசிரி சென்ரல், லங்கா அசோக், பாம் கார்டன் ஹோட்டல், டெஸ் அக்ரோ மற்றும் கண்டி ஹோட்டல்ஸ் போன்ற நிறுவனங்களின் பங்குகள் அதிகளவு நஷ்டமீட்டியதாக பதிவாகியிருந்தன.

தங்கம் மற்றும் வெள்ளி விலை 

கடந்த வாரம் 24 கெரட் தங்கத்தின் சராசரி விலை 43,500 ரூபாவாகவும், 22 கெரட் தங்கத்தின் விலை 40,000 ரூபாவாகவும் அமைந்திருந்ததாக தங்க நகை வியாபார வட்டாரங்களிலிருந்து அறிந்து கொள்ள முடிந்தது. 

 

நாணய மாற்று விகிதம்

கடந்த வாரம் டொலருக்கு நிகரான ரூபாவின் சராசரி விற்பனை பெறுமதி 132.45 ஆக பதிவாகியிருந்தது. ஐக்கிய இராச்சிய பவுணுக்கு நிகரான சராசரி விற்பனை பெறுமதி 218.45 ஆக காணப்பட்டிருந்தது.