21 இறுதி இலக்குகளை எட்டிய சியெட் பந்தய அணி

இம்மாதம் இரண்டாம் திகதி ஞாயிற்றுக்கிழமை இடம்பெற்ற சீகிரிய ரெலி குரொஸ் போட்டிகளில் சியெட் அணி இரண்டு நிகழ்வுகளில் வெற்றியீட்டியதோடு 12 பிரிவுகளில் இறுதி இலக்குகளைத் தொட்டுள்ளது. 2015 மோட்டார் ஓட்ட போட்டி பருவ காலத்தில் சியெட் அணி சிறப்பான இயல்புகளை வெளிக்காட்டியுள்ளது.

SLN குழு பேர்ட் லாஸர் / மஸ்டா 1300cc ரக கார் ஓட்டப் பிரிவில் உபுல்வன் சேனசிங்க முதலாவது இடத்தைப் பிடித்தார். மோட்டார் சைக்கிள் ஓட்ட வீரர் ஜெக்ஸ் குணவர்தன இரண்டாவது ரேஸ் குழு MX 175முதல் 250cc பிரிவில் வெற்றியீட்டினார்.

ஓட்டு மொத்தமாக சியெட் அணி சீகிரிய ரெலி குரொஸ் போட்டிகளில் இரண்டு முதல் இடங்களையும், ஒரு இரண்டாம் இடத்தையும், நான்கு மூன்றாம் இடங்களையும், ஒரு நான்காம் இடத்தையும், நான்கு ஐந்தாம் இடங்களையும் பிடித்துள்ளது. 2015 கார் சாம்பியன் ஓட்ட அணியில் இதன் மூலம் புள்ளிகள் கூடியுள்ளன.

2015ம் ஆண்டுக்கான சியெட் மோட்டார் ஓட்ட அணி திறமை மிக்க சாரதிகளான உபுல்வன் சேரசிங்க, ஜனக்க டயஸ், பசிந்து பீரிஸ், உஷான் பெரேரா, ஷசிகா, லலின் கிரிந்த, பிரசன்ன டி அல்விஸ், லெப்டினன்ட் கேர்ணல் துமிந்த ஜயசிங்க, லெப்டினன்ட் கேர்ணல் இந்து சமரக்கோன் மோட்டார் சைக்கிள் ஓட்ட வீரர்களான ஜெக்ஸ் குணவர்தன, மற்றும் சம்பத் குமார ஆகியோரை உள்ளடக்கியது.

இந்த அணி சியெட் வர்ணத்தின் கீழ் SLADA நடத்தும் ஆறு வருடாந்த சியெட்-SLADA சாம்பியன்ஷிப் போட்டிகளில் பங்கேற்று வருகின்றது. 2015ன் கிண்ணத்துக்காக ஏற்கனவே நடத்தப்பட்ட த பொக்ஸ் ஹில் சுபர்குரொஸ் அன்ட் கன்னர்ஸ் சுபர்குரொஸ், போட்டிகளிலும் அது பங்கேற்றுள்ளது. கவல்ரி சுபர்குரொஸ், கஜபா சுபர்குரொஸ், ரொதர்ஹம் கட்டுகுருந்த செர்கிட் மீட் போன்ற எஞ்சியுள்ள போட்டிகளிலும் அது பங்கேற்கும்.

போர்ட் லாஸர்/மஸ்டா 1300cc மற்றும் 1500cc வன்மேக் ஓட்டப்பந்தய நிகழ்ச்சிகள் ஆகிய போட்டிப் பிரிவுகளை உள்ளடக்கிய இந்தப் போட்டித் தொடரில் சாரதிகள் அனைவரும் முழுக்க முழுக்க சியெட் ரேடியல் டயர்களையே பயன்படுத்துவர். வன்மேக் போட்டிகளின் முக்கிய அனுசரணையாளர்களாக சியெட் திகழ்கின்றது. இதற்கு மேலதிகமாக சியெட்-SLADA சாம்பியன்ஷிப் போட்டிகளுக்கான பிரதான அனுசரணையாளராகவும் உள்ளது.

சியெட் களனி ஹோல்டிங்ஸ் சீகிரிய குரொஸ் ரெலி 2015க்கான பிரதான அனுசரணையை இலங்கை விமானப் படையின் ஆதரவோடு கடந்த ஆறு வருடங்களாக தொடர்ந்து வழங்கி வருகின்றது.

செயற்பாடுகளில் தனது நம்பிக்கையை கட்டி எழுப்பியுள்ள உலகளாவிய வர்த்தக முத்திரையான சியெட் தான் இலங்கை டயர் சந்தையில் மிக அதிக அளவில் விற்பனையாகும் ரேடியல் டயராகும்.தற்போது இந்தியாவில் தலைமையகத்தைக் கொண்டுள்ள சியெட் உலகளாவிய ரீதியில் 110 நாடுகளில் நிலைகொண்டுள்ள ஒரு வர்த்தக முத்திரையாகும். 1924ம் ஆண்டு காலப்பகுதியில் இத்தாலியில் தோற்றம் பெற்ற Cavi Electrici Affini Torino அல்லது Electrical Cables & Allied Products of Turin என்பதன் சுருக்க வடிவமாக இது உள்ளது.