செல்சியில் நீடிப்பை இனங்காட்டியுள்ள துஷெல்

இங்கிலாந்து பிறீமியர் லீக் கழகமான செல்சியின் முகாமையாளரான தோமஸ் துஷெல், செல்சியுடனான தனது ஒப்பந்தத்தை நீடிப்பதை நெருங்கியுள்ளதாக இனங்காட்டியுள்ளார்.

செல்சியின் முகாமையாளராக பிராங்க் லம்பேர்ட்டை இவ்வாண்டு ஜனவரி மாதம் 18 மாத ஒப்பந்தமொன்றில் பிரதியிட்டிருந்தார். துஷெல் பதவியேற்கும்போது பிறீமியர் லீக் புள்ளிகள் பட்டியலில் ஒன்பதாமிடத்தில் செல்சி காணப்பட்டிருந்த நிலையில், நான்காமிடத்தில் பிறீமியர் லீக்கை பூர்த்தி செய்ததுடன், தற்போது சம்பியன்ஸ் லீக்ஸையும் வென்றுள்ளது.