கசிந்தன Galaxy S7, S7 Edge வடிவமைப்புகள்

மிகப்பெரிய வியாபாரக் கண்காட்சியான மொபைல் வேர்ல்ட் கொங்கிரஸ், அடுத்த வாரம் இடம்பெறவிருக்கின்ற நிலையில், இதிலேயே, வழமையாக அப்பிள், தனது புதிய திறன்பேசிகளை வெளிப்படுத்துகின்ற நிலையில், அதற்கு முன்பதாகவே சம்ஸுங்கின் புதிய திறன்பேசிகளின் வடிவமைப்புகள் கசிந்துள்ளன.

கசிந்துள்ளவை, பெரும்பாலும் evleaks என அறியப்படும் Evan Blassஇன் டுவிற்றர் கணக்கின் மூலமே வெளியாகியுள்ளன. கடந்த வார இறுதியிலேயே S7 Edge என்று நம்பப்படும் திறன்பேசியின் புகைப்படங்கள் முதலில் வெளியாகியிருந்தது. அப்புகைப்படத்திலிருந்ததன் படி, வெள்ளி, கறுப்பு, தங்க நிறங்களில் S7 Edge இருந்தது. பின்னர், அன்றைய தினம் பிற்பகல் வேளையில் S7 என நம்பப்படும் திறன்பேசியின் புகைப்படம் வெளியிடப்பட்டிருந்தது. வெளியிடப்பட்ட புகைப்படத்தின்படி S7 ஆனது கறுப்பு, தங்க நிறங்களில் இருந்தது.