பரிஸ் ஸா ஜெர்மைனுக்குச் செல்லும் விஜ்நால்டும்?

பிரெஞ்சு லீக் 1 கால்பந்தாட்டக் கழகமான பரிஸ் ஸா ஜெர்மைனில் இணைவதை, இங்கிலாந்து பிறீமியர் லீக் கழகமான லிவர்பூலின் மத்தியகள வீரரான ஜோர்ஜினோ விஜ்நால்டும் நெருங்கியுள்ளதாகத் தெரிவிக்கப்படுகிறது.

பருவகால முடிவில் ஒப்பந்த நீடிப்பைக் கைச்சாத்திடுவதைத் தவிர்த்த 30 வயதான விஜ்நால்டும், ஸ்பானிய லா லிகா கழகமான பார்சிலோனாவுக்கே செல்வார் என எதிர்பார்க்கப்பட்டிருந்தது.

இந்நிலையில், பார்சிலோனாவை விட மேம்பட்ட ஒப்பந்தத்தை விஜ்நால்டுமுக்கு பரிஸ் ஸா ஜெர்மைன் அளித்துள்தாகத் தெரிவிக்கப்படுகிறது. தவிர, பரிஸ் ஸா ஜெர்மைனின் முகாமையாளராக மெளரிசியோ பொச்செட்டினோ இருப்பதும் விஜ்நால்டும் பரிஸ் ஸா ஜெர்மைனை நோக்கிச் செல்வதில் பங்களித்ததாகக் கூறப்படுகிறது.