தாழங்குடா பிரதேசத்தில் பொலிஸ் நடமாடும் சேவை

(எம்.சுக்ரி)

காத்தான்குடி பொலிஸ் பிரிவுக்குட்பட்ட தாழங்குடா பிரதேசத்தில் பொலிஸ் நடமாடும் சேவையொன்று இன்று சனிக்கிழமை நடைபெற்றது.

பொலிஸ் மா அதிபரின் வேண்டுகோளுக்கிணங்க மட்டக்களப்பு மாவட்ட பிரதி பெலிஸ் மா அதிபரின் ஆலோசனையின் பேரில் இந்நடமாடும் சேவை இடம்பெற்றது.

காத்தான்குடி பொலிஸ் நிலைய பொறுப்பதிகாரி நிமல் குணவர்த்தன தலைமையில் இடம்பெற்ற இந்நடமாடும் சேவையில் பொலிஸ் முறைப்பாட்டு பிரதிகள் உட்பட பல்வேறு சேவைகள் வழங்கப்பட்டன.

இதன் ஆரம்ப நிகழ்வில் கிழக்கு மாகாண சபை உறுப்பினர்களான கே.எல்.எம்.பரீட், பி.பிரசாந்தன் உட்பட பலர் கலந்துகொண்டனர்.