பால்சேனை பெரியசுவாமி ஆலய விக்கிரகங்கள் திருட்டு

(ஆர்.அனுருத்தன்)

மட்டக்களப்பு மாவட்டத்தின் வாகரைப் பிரதேசத்திலுள்ள பால்சேனை பெரியசுவாமி ஆலயத்தில் இருந்த பெறுமதி வாய்ந்த விஷ்னு  மற்றும் நாக சுவாமி விக்கிரகங்கள்  நேற்று புதன்கிழமை இரவு  களவாடப்பட்டுள்ளதாக வாகரைப் பொலிஸில் ஆலய நிர்வாகத்தினர் முறைப்பாடு செய்துள்ளனர்.

சம்பவ தினமான நேற்று புதன்கிழமை பகல் ஆலய பூசகர் வழமைபோன்று ஆலயத்தில் பூஜை வழிபாடுகளை முடித்துவிட்டு வீடு திரும்பியதாகவும் நேற்றையதினம் இரவு வேளையிலேயே இவ் விக்கிரகங்கள் களவாடப்பட்டுள்ளதாகவும் ஆலய நிர்வாகத்தினர் தமது முறைப்பாட்டில் தெரிவித்துள்ளனர்.

இந்த சம்பவம் தொடர்பில் பொலிஸார் விசாரணை மேற்கொண்டு வருகின்றனர்.