சப்ரகமுவ மாகாணத்தில் 224 பட்டதாரிகள் நியமனம்

-சிவாணி ஸ்ரீ

சப்ரகமுவ மாகாணத்தின் இரத்தினபுரி, கேகாலை மாவட்டங்களில் உள்ள 224 பட்டதாரிகள் அரச சேவையில் இணைத்துக் கொள்ளப்பட்டள்ளனர்.
இவர்களுக்கான நியமனம் வழங்கும் நிகழ்வு, புதன்கிழமை(20) சப்ரகமுவ மாகாண சபையின் கேட்போர் கூடத்தில் இடம்பெற்றது.

இதன்போது, இரத்தினபுரி மாவட்டத்தில் 150 பட்டதாரிகளுக்கும் கேகாலை மாவட்டத்தில் 74 பட்டதாரிகளுக்கும் நியமனம் வழங்கப்பட்டது.
நியமனம்பெற்ற பட்டதாரிகள் சப்ரகமுவ மாகாணத்தில் இரத்தினபுரி, கேகாலை ஆகிய மாவட்டங்களில் உள்ள அரச நிறுவனங்கள் மற்றும் திணைக்களங்களில் சேவையில் அமர்த்தப்படவுள்ளனர்.   

இந்நிகழ்வில் சப்ரகமுவ மாகாண முதலமைச்சர் மஹிபால ஹேரத், மாகாண சபை உறுப்பினர் வருண லியனகே, மாகாண பிரதான செயலாளர் எச்.பி.குலரத்ன ஆகியோர் கலந்துகொண்டு நியமனக் கடிதங்களை வழங்கி வைத்தனர்.