பணப்பையை திருடிய, பெண் கைது

-எஸ்.கணேசன்,மு.இராமச்சந்திரன் 

ஹட்டன் ஸ்ரீ மாணிக்கப்பிள்ளையார் ஆலயத்தில் இறை வழிபாட்டை மேற்கொள்ள வந்த பெண்ணின் பணப்பையை திருடிய, பெண்ணொருவரை, ஹட்டன் பொலிஸார், நேற்று மாலை 6 மணியளவில் கைது செய்துள்ளனர்.

ஹட்டன் பிரதேசத்தைச் சேர்ந்த, 46 வயதான பெண்னே, இவ்வாறு கைதுசெய்யப்பட்டுள்ளார்.

குறித்த பெண்,  பணப்பையில் இருந்த தன்னியக்க இயந்திர (ஏ.டி.எம்) அட்டையை எடுத்து பொருட்களை கொள்வனவு செய்ததுடன், பணத்தையும் எடுத்துள்ளதாக, விசாரணைகளில் இருந்து தெரியவந்துள்ளது.

அப்பெண், அந்த அட்டையை (காட்) பயன்படுத்தி, 30 ஆயிரத்து 790 ரூபாய்க்கு, ஆடைகள் மற்றும் தேவையான பொருட்களையும் கொள்வனவு செய்துள்ளார்.

ஆடைகளை கொள்வனவு செய்யும்போது, சி.சி.டி.வி கமெராவில் பதிவாகியிருந்த காட்சிகளை அடிப்படையாகக் கொண்டே, சந்தேகநபரான அப்பெண்ணை கைதுசெய்துள்ளதாக, ஹட்டன் பொலிஸார் தெரிவித்தனர்.