மாணவர்களிடமிருந்து மாவா போதைப்பொருள் மீட்பு

மு.இராமச்சந்திரன்

ஹட்டன் நகரிலுள்ள பிரபல பாடசாலையில் கல்வி பயிலும் இரண்டு மாணவர்களிடமிருந்து, மாவா போதைப்பொருள் மீட்கப்பட்டதாக, ஹட்டன் பொலிஸார் தெரிவித்தனர்.

ஹட்டன் பஸ்தரிப்பிட வளாகத்திலேயே, நேற்று (16) இந்தப் போதைப்பொருள் மீட்கப்பட்டுள்ளது.

சந்தேகத்தின் பேரில் குறித்த மாணவர்களை சோதனையிட்ட போது, ஒரு மாணவனிடம் 200 கிராம் மாவா, காட்சட்டை பையிலிருந்து மீட்கப்பட்டதுடன், மற்றைய மாணவன் மாவா போதைப்பொருளை பாவித்திருந்தமையும் கண்டுபிடிக்கப்பட்டுள்ளது. இது தொடர்புடைய மேலதிக விசாரணைகளை பொலிஸார் மேற்கொண்டு வருகின்றனர்.