விபத்தில் இருவர் பலி: ஒருவர் கைது

இந்திக அருன குமார

கண்டி யாழ்ப்பாணம் ஏ 9 வீதி, நாவுல நாலந்த உடுதெனிய பிரதேசத்தில் ஞாயிற்றுக்கிழமை இரவு (4) இடம்பெற்ற மோட்டார் சைக்களில் விபத்தில், நாலந்தவைச் சேர்ந்த 15 வயது சிறுவன் மற்றும் 23 வயதுடை இளைஞன் இருவரும் உயிரிழந்துள்ளதாக நாவுல பொலிஸார் கூறினர்.

மேற்படி வீதியில் பயணித்த டிப்பர் ரக வாகனமும் மோட்டார் சைக்கிளும் நேருக்கு நேர் மோதி விபத்துக்குள்ளாகியதில் மோட்டார் சைக்கிள் பயணித்த இருவரே உயிரிழந்துள்ளனர்.

இவ்விபத்துடன் தொடர்புடைய டிப்பர் ரக வாகனத்தின் சாரதியை கைதுசெய்துள்ளதாக பொலிஸார் கூறினர்.