ஹட்டன்- கொழும்பு பிரதான வீதியில் போக்குவரத்துக்குத் தடை

ஹட்டன்- கொழும்பு பிரதான வீதியின் பல இடங்களில் மண்சரிவு ஏற்பட்டுள்ளதால், குறித்த வீதியுடனான போக்குவரத்து முற்றாகத் தடைப்பட்டுள்ளது.

மலையகத்தில் பெய்து வரும் அடை மழையால், இன்று காலை 11 மணியிலிருந்து ஹட்டன்- கொழும்பு பிரதான வீதியின் போக்குவரத்து முற்றாகத் தடைபட்டுள்ளதுடன், மாற்று வீதிகளைப் பயன்படுத்துமாறு பொலிஸார் வேண்டுகோள் விடுத்துள்ளனர்.

இதற்கமைய வட்டவளை பொலிஸ் பிரிவுக்குட்பட்ட சிங்கள மகா வித்தியாலயத்துக்கு அருகில் மண்மேடு சரிந்து விழுந்துள்ளதுடன், தியகல பிரதேசத்தில் கற்களுடன் மண்மேடு சரிந்து விழுந்துள்ளதாகவும் பொலிஸார் தெரிவித்தனர்.