இலங்கைக்கு மேலும் சீனாவின் EXIM வங்கியின் நிதியுதவி

சீனாவின் EXIM வங்கியின் தலைமை அதிகாரி லீ ரூகொ தொடர்ந்தும் இலங்கையின் அபிவிருத்தி பணிகளுக்கு நிதியுதவிகளை வழங்க தமது வங்கி தயாராக இருப்பதாக ஜனாதிபதி மஹி்ந்த ராஜபக்ஷவுக்கு வாக்குறுதி வழங்கியுள்ளார்.

 

நான்கு நாள் விஜயத்தை மேற்கொண்டு சீனா பயணமாகியுள்ள இலங்கை ஜனாதிபதி மஹி்ந்த ராஜபக்ஷவுக்கும் சீனாவின் EXIM வங்கியின் தலைமை அதிகாரி லீ ரூகொவும் இடையில் இடம்பெற்ற சந்திப்பின் போது இந்த உறுதி மொழி வழங்கியிருந்தார். 

 

அவர் கருத்து தெரிவிக்கையில், ஏற்கனவே சீனாவின் EXIM வங்கியின் மூலம் இலங்கையில் மத்தள ராஜபக்ஷ விமான நிலையம், மாகம்புர மஹிந்த ராஜபக்ஷ துறைமுகம், நிலக்கரி மின்உற்பத்தி நிலையம் போன்றன உள்ளடங்கலாக சுமார் 37 திட்டங்களுக்கு நிதியுதவிகளை வழங்கியுள்ளதாகவும், ஜப்பான், உலக வங்கி போன்றவற்றுக்கு நிகராக அதிகளவு நிதியுதவிகளை வழங்கி வரும் அமைப்பாக EXIM வங்கி திகழ்வதாகவும் குறிப்பிட்டிருந்தார்.

 

2012ஆம் ஆண்டில் மட்டும் EXIM வங்கியின் மூலம் 515 மில்லியன் அமெரிக்க டொலர்கள் இலங்கைக்கு கடனாக வழங்கப்பட்டிருந்தமை குறிப்பிடத்தக்கது.