30 அடி உயரமான கிறிஸ்மஸ் மரம்

-வா.கிருஸ்ணா

மட்டக்களப்பு, புளியடிக்குடா புனித லூர்து அன்னை தேவாலயத்தில் 30 அடி உயரமான  கிறிஸ்மஸ் மரம் ஒளியூட்டப்பட்டு, காட்சிக்கு வைக்கப்பட்டுள்ளது.

மேற்படி தேவாலய இளைஞர், யுவதிகள் ஒன்றியத்தின் ஏற்பாட்டில் இக்கிறிஸ்மஸ் மரம் வடிவமைக்கப்பட்டுள்ளது.

இதனைத் தொடர்ந்து தேவாலயத்தில்; ஒளி விழா நடைபெற்றது. இதன்போது, பாலன் பிறப்புக் காட்சியும் காண்பிக்கப்பட்டதுடன், நிகழ்வில் கலந்துகொண்டவர்களுக்கான பரிசுகளும் வழங்கப்பட்டன.

இந்த நிகழ்வின்போது நத்தார் பாப்பா வருகைதந்து ஆடிப்பாடி சிறுவர்கள் மற்றும் அதிதிகளுக்கு பரிசுகளும் வழங்கிவைத்தார்.