அவுஸ்திரேலிய பகிரங்கத் தொடரை தவறவிடுகிறார் டெல் போட்ரோ

றியோ ஒலிம்பிக் போட்டிகளில் வெள்ளிப்பதக்கம் வென்ற ஆர்ஜென்டீனாவின் ஜுவான் மார்ட்டின் டெல் போட்ரோ, அடுத்த மாதம் இடம்பெறவுள்ள அவுஸ்திரேலிய பகிரங்க டென்னிஸ் தொடரையும், நியூசிலாந்தின் ஒக்லாந்தில் இடம்பெறவுள்ள தொடரையும் உடற்றகுதி காரணங்களால் தவறவிடுகிறார்.

தற்போது உலகின் 38ஆம் நிலை வீரரான 28 வயதான டெல் போட்ரோ, 2010ஆம் ஆண்டு உலகின் நான்காம் நிலை வீரராக வந்தடைந்தமையிலிருந்து மணிக்கட்டு பிரச்சினைகளை எதிர்கொண்டு வருகிறார்.

2014, 2015ஆம் ஆண்டின் பெரும்பான்மையான பருவகாலங்களை தவறவிட்ட டெல் போட்ரோ, 2016ஆம் ஆண்டு பருவகாலத்தில், றியோ ஒலிம்பிக் இறுதிப் போட்டிகளை அடைந்ததுடன், முதற்தடவையாக ஆர்ஜென்டீனா டேவிஸ் கிண்ணத்தை வெல்லவும் உதவியிருந்தார்.