ஓய்வு பெற்றார் எட் ஜொய்ஸ்

இங்கிலாந்தின் பிராந்திய அணியான சசெக்ஸின் முன்னாள் அணித்தலைவரான எட் ஜொய்ஸ், உடனடியாக அமுலுக்கு வரும் வகையில், இங்கிலாந்து பிராந்தியத் தொடரிலிருந்து, தனது ஓய்வை அறிவித்துள்ளார். தனது எஞ்சியுள்ள தனது விளையாடும் காலத்தை, அயர்லாந்துக்காக டெஸ்ட் போட்டிகளில் விளையாடுவதில் கவனஞ் செலுத்தும் பொருட்டே, கவுண்டி போட்டிகளிலிருந்து தனது ஓய்வை ஜொய்ஸ் அறிவித்துள்ளார்.   

2006ஆம் ஆண்டு தொடக்கம் 2007ஆம் ஆண்டு வரை, இங்கிலாந்துக்காக 17 ஒருநாள் சர்வதேசப் போட்டிகளில் விளையாடிய பின்னர், 38 வயதான ஜொய்ஸ், 2011ஆம் ஆண்டு முதல், அயர்லாந்துக் குழாமின் முக்கிய உறுப்பினராக விளங்குகிறார்.